Bankuek entzungor egiten diete bezeroen kexei

«Jainkoari erreguz, beharrari mailuz».

Gauza bat da bankuen publizitateak dioena, eta beste bat euren bezeroekin egiten dutena, baita arrazoia edukita erreklamatzen dutenean ere.

«Orduan… zein da aurrena: bezeroa edo bankua?»

Kasu honetan, erraza da erantzuna: zure finantza erakundea zu baino garrantzitsuagoa da. Ikus dezagun.

2014. urtean, Balore Merkatuaren Batzorde Nazionalak (CNMV) 3.754 txosten argitaratu zituen, eta kasuen %60tan bezeroak zuen arrazoi. Bankuek 196 kasutan bakarrik egin zuten zuzenketarik, jasotako kontsulta eta erreklamazioen %7,3tan. Kexa gehienak produktu baten inguruko informazio eskasarekin edo inbertsiogilearentzat egokia ez izatearekin zeuden lotuta.

Zergatik ez diote egiten kasu bankuek CNMVri?

Horren iritzia ez delako loteslea; nolanahi ere, erabakigarria izan daiteke bezeroak epailearengana jotzea erabakiz gero.

Bestalde, gogorarazi nahi dizugu bankuek ez dutela aseguru-industria ezagutzen eta beste zerbitzu batzuekin lotuta saltzen dituztela aseguruak; hortaz, poliza horiek ez zaituzte bezero gisa babesten, zure beharrei erantzun beharrean beste interes batzuei erantzuten baitiete. Eta ezin zaituzte aseguru bat egitera behartu; askatasun osoa duzu egoki deritzozun aseguru-etxea aukeratzeko.