Euria, lainoa, elurra… Horien artean gidatu behar da neguan

Kontuz! Neguko zirkulazio-istripuek eragiten dituzte hildako eta zaurituta ospitaleratutako pertsonen %30. Euria eta lainoa dira istripu horien errudunak, bai eta elurra ere, batzuetan. Halakoak saihesteko, ondorengo hau gomendatzen dizugu:

  • Ibilgailuan doikuntzak egin.
  • Bidaiatu aurretik, errepideen egoerari buruzko informazioa eskatu.
  • Errepidean: abiadura moteldu, segurtasun-tartea handitu, bolante-kolpeak saihestu, ez zakar azeleratu edo frenatu, eta, ahal izanez gero, neguko pneumatikoak erabili.

Arriskuak saihesten laguntzeko jokabideak ere badaude:

  • Ez jarri abian kristaletako lausoa joan arte.
  • Eskularruak jantzita gidatzen baduzu, bolanteari gogor heltzeko moduko material batekoak izan daitezela. Eta erantzi berokiak, uhalek ez baitute berdin eusten gorputzetik hurbil ez badaude.
  • Botikarik EZ! Batzuek logura ematen dute.
  • Atzeko laino-argiak erabili, laino, euri-zaparrada edo elurte kasuan. Zure presentzia adierazteko balio dute, ez itsutzeko.

Zalantzarik edukiz gero, zentzuz jokatu.